दहावी परीक्षेला बसणार्‍या विद्यार्थ्यांना गणवेश अनिवार्य

अधिकृत परीपत्रक जारी, हिजाब बंदीच्या पार्श्वभुमीवर आदेश
बंगळूर : प्राथमिक आणि माध्यमिक शिक्षण विभागाने सोमवारपासून सुरू होणार्‍या दहावी (एसएसएलसी) परीक्षेला बसणार्‍या विद्यार्थ्यांना गणवेश अनिवार्य करणारे परिपत्रक जारी केले आहे. कालच प्राथमिक व माध्यमिक शिक्षण मंत्री बी. सी. नागेश यांनी हिजाब घालून येणार्‍या विद्याथीनीना परीक्षेत प्रवेश दिला जाणर नसल्याचे स्पष्ट केले होते.
शुक्रवारी जारी करण्यात आलेल्या परिपत्रकात म्हटले आहे की, सरकारी शाळांमधील विद्यार्थ्यांनी राज्य सरकारने ठरवून दिलेल्या गणवेशासह परीक्षेला बसणे आवश्यक आहे. आणि खाजगी (अनुदानित आणि विनाअनुदानित) शाळांच्या बाबतीत, विद्यार्थ्यांनी विहित शाळा व्यवस्थापनाचा गणवेश परिधान केला पाहिजे.
विभागाचे अप्पर सचिव व्ही. श्रीनिवासमूर्ती यांनी स्वाक्षरी केलेल्या परिपत्रकात राज्य सरकारने यावर्षी 5 फेब्रुवारी रोजी जारी केलेल्या गणवेशाचा उल्लेख केला आहे, कर्नाटक उच्च न्यायालयाची रिट याचिका आहे.
हिजाब परिधान करून वर्गात जाणार्‍या मुस्लिम विद्यार्थिनींबाबत नुकत्याच झालेल्या वादाच्या पार्श्वभूमीवर या परिपत्रकाला महत्त्व प्राप्त झाले आहे. काही विद्यार्थ्यांच्या याचिकेनंतर उच्च न्यायालयाने गणवेशावरील सरकारचा आदेश कायम ठेवला.
28 मार्च ते 11 एप्रिल दरम्यान होणार्‍या परीक्षेला तब्बल 8.73 लाख विद्यार्थी बसले आहेत.
आदेशामध्ये गणवेशातील नियमित विद्यार्थी निर्दिष्ट केले आहेत, परंतु खासगी उमेदवार नाहीत. यावेळी 46 हजार 200 खासगी (प्रायव्हेट) नवीन आणि एक हजार 253 खासगी रिपीटर उमेदवारांनी परीक्षेसाठी नोंदणी केली आहे.