Wednesday , July 24 2024
Breaking News

भूकंपग्रस्त गडिकेश्वरला 8 नोव्हेंबरला केंद्रीय पथक

Spread the love

भूकंपाच्या कारणांचे अध्ययन करणार
बंगळूर : उत्तर कर्नाटकात वारंवार होणार्‍या भूकंपाचे कारण शोधण्यात भूगर्भशास्त्रावरील देशातील अग्रगण्य संस्थांचे वरिष्ठ अधिकारी आणि शास्त्रज्ञांचे एक पथक येत्या 8 आणि 9 नोव्हेंबरला गुलबर्ग्याच्या चिंचोळी तालुक्यातील गडिकेश्वराला भेट देतील.
नॅशनल सेंटर फॉर सिस्मॉलॉजी, नॅशनल जिओफिजिकल रिसर्च इन्स्टिट्यूट, नॅशनल इन्स्टिट्यूट ऑफ रॉक मेकॅनिक्स, जिओलॉजिकल सर्व्हे ऑफ इंडिया, वैज्ञानिक आणि औद्योगिक संशोधन परिषद, राज्य खाण आणि भूगर्भशास्त्र विभाग, वरिष्ठ नैसर्गिक आपत्ती अन्वेषण केंद्राचे शास्त्रज्ञ व अधिकारी 8 नोव्हेंबरपासून दोन दिवस या भागाला भेट देणार आहे.
राज्य नैसर्गिक आपत्ती अन्वेषण केंद्राच्या (केएसएनडीएमसी) एका वरिष्ठ अधिकार्‍याने सांगितले की, भूकंपाचे खरे कारण निश्चित करण्यासाठी सीमावर्ती भागात कोणत्या प्रकारचा अभ्यास करावा हे टीम ठरवेल. राज्यातील काही प्रकल्पांचा भाग म्हणून भूमिगत अभ्यास करण्यात आला. तथापि, केएसएनडीएमसीच्या अधिकार्‍यांनी सांगितले की, वारंवार आणि अत्यंत तीव्र अशा भूकंपांच्या मालिकेच्या पार्श्वभूमीवर भूकंपाच्या कारणांचा अभ्यास पहिल्यांदाच केला जात आहे.
वरील सर्व संस्था भूकंपाचा अभ्यास करण्यास सक्षम आहेत. या पार्श्वभूमीवर, कोणत्या संस्थेमार्फत अध्ययन करायचे यावर निर्णय घ्यावा लागेल. अल्पकालीन अभ्यास, मध्यम कालावधीचा अभ्यास किंवा दीर्घकालीन अभ्यास, अभ्यासाचे स्वरूप काहीही असो, केंद्रीय संघाच्या भेटीवर निर्णय घेतला जाईल, असे अधिकार्‍यांनी सांगितले.

About Belgaum Varta

Check Also

शेतकऱ्यांसाठी गिफ्ट; कृषीसाठी 1.52 लाख कोटींची तरतूद

Spread the love  नवी दिल्ली : पंतप्रधान नरेंद्र मोदी यांच्या नेतृत्वाखालील एनडीए सरकारच्या अर्थसंकल्पाची प्रतीक्षा …

Leave a Reply

Your email address will not be published. Required fields are marked *