Belgaum Varta Belgaum Varta
बंगळूर : अधिवेशनाच्या पूर्वसंध्येला, तीव्र निवडणूक हालचाली आणि राजकीय दबावादरम्यान अंमलबजावणी संचालनालयाने काँग्रेसचे प्रदेशाध्यक्ष डी. के. शिवकुमार यांना पुन्हा नोटीस पाठवली आहे.
नोटीसमध्ये शिवकुमार यांना २२ फेब्रुवारीपर्यंत सुनावणीला हजर राहण्याचे निर्देश देण्यात आले आहेत. यावर प्रतिक्रिया देताना डी. के. शिवकुमार म्हणाले की, आमच्या मुलींच्या शैक्षणिक संस्थेला नोटीस मिळाली आहे. त्यांनी नोटीस पाठवून मुलीच्या शाळेची फी, परीक्षेच्या निकालाचा तपशील विचारला आहे. मी काय उत्तर द्यायचे म्हणून त्यांनी असहायता व्यक्त केली.
ही नोटीस म्हणजे विरोधी पक्षांचा डाव आहे, मी काही वेळापूर्वी ईडीच्या नोटीसला उत्तर दिले आहे. आता मला पुन्हा जावे लागेल, राजकीय दबावात काय करायचे ते सांगा, असे शिवकुमार म्हणाले.
