कर्लेचे नायब सुभेदार उज्जैन जवळील अपघातात मृत्युमुखी

बेळगाव : समोरून निघालेल्या भरधाव कंटेनर चालकाने अचानक ब्रेक लावल्याने मागून येणाऱ्या कार चालकाने कंटेनरला धडक दिली. या अपघातात कर्ले गावचे नायब सुभेदार मृत्युमुखी पडले, तर त्यांचे सासरे जखमी आहेत.

शुक्रवारी मध्य प्रदेशात हा अपघात घडला. रामचंद्र मोहन पाटील (वय ३२, रा. ब्रह्मलिंग गल्ली, कर्ले, ता. बेळगाव) असे मृत नायब सुभेदाराचे नाव आहे. त्यांचे मावस सासरे गोविंद पाटील (वय ४९) हे किरकोळ जखमी झाले. शुक्रवारी दुपारी चारच्या सुमारास मध्य प्रदेशातील उज्जैन येथील गोरठ महामार्गावरील पदमाखोरिया गावाजवळ हा अपघात घडला.