प्रख्यात संवादिनी वादक सुधांशु कुलकर्णी यांना गुरु गौरव पुरस्कार

बेळगाव : बंगलोर येथील सतीश हंपीहोळी म्युझिक फाउंडेशन ट्रस्टने ‘ताल यात्रा’ या संगीत-नृत्य संगम कार्यक्रमाचे आयोजन केले होते. या कार्यक्रमात पंडित बसवराज बेंडिगेरी यांच्या स्मृत्यर्थ सुधांशू कुलकर्णी यांना ‘गुरु गौरव पुरस्कार’ देऊन सन्मानित करण्यात आले.

​प्रमुख पाहुणे कर्नाटक कलाश्री मृत्युंजय शेट्टर यांनी या प्रसंगी बोलताना सांगितले की, “गायन, वादन, नर्तन असा कोणताही भेद न ठेवता जगभरातील सर्व कलांचा विकास व्हावा, यासाठी सतीश हंपीहोळी प्रयत्नशील आहेत.”
​या कार्यक्रमास शिक्षणतज्ज्ञ व्होडे पी. कृष्णा, ज्येष्ठ पत्रकार रवींद्र भट, ट्रस्टचे अध्यक्ष सतीश हंपीहोळी, कांती स्विट्सचे मालक शैलेंद्र शर्मा, मृदंगवादक आनूर अनंतकृष्ण शर्मा, साहित्यिक आशुतोष शर्मा आदी मान्यवर उपस्थित होते.