खानापूर तालुका लेक्चरर्स असोसिएशनच्या नूतन कार्यकारिणीची घोषणा; प्रा. पी. व्ही. कर्लेकर यांच्या खांद्यावर अध्यक्षपदाची धुरा!

खानापूर : कर्नाटक राज्य लेक्चरर्स असोसिएशनशी संलग्न असलेल्या खानापूर तालुका सरकारी व अनुदानित पदवीपूर्व महाविद्यालयातील प्राध्यापक वर्गाची एक महत्त्वाची आणि वैशिष्ट्यपूर्ण बैठक नुकतीच खानापूर येथे अत्यंत उत्साहात पार पडली. संपूर्ण तालुक्याचे लक्ष लागून राहिलेल्या या बैठकीत अत्यंत उत्सुकतावर्धक, खेळीमेळीच्या आणि एकोप्याच्या वातावरणात असोसिएशनच्या आगामी वर्षाच्या नूतन कार्यकारिणीची एकमताने निवड करण्यात आली.
या महत्त्वपूर्ण निवडीमध्ये, असोसिएशनच्या अध्यक्षपदी येथील प्रसिद्ध म मं ताराराणी पदवीपूर्व महाविद्यालयाचे वाणिज्य विभागाचे अत्यंत अभ्यासू व मनमिळाऊ प्राध्यापक श्री. पी. व्ही. कर्लेकर यांची सर्वानुमते निवड करण्यात आली. महिला गटासाठी राखीव असलेल्या उपाध्यक्ष पदावर याच महाविद्यालयाच्या इतिहास विषयाच्या अभ्यासू प्राध्यापिका सौ. व्ही. एम. गावडे (वनिता गावडे) यांची निर्विवादपणे निवड झाली. असोसिएशनच्या अत्यंत महत्त्वाच्या आणि जबाबदारीच्या जनरल सेक्रेटरी (सरचिटणीस) पदी इटगी कॉलेजचे प्रा. श्री. के. पी. कापोली यांची तर सचिव (सेक्रेटरी) पदी ताराराणी महाविद्यालयाचे अर्थशास्त्र विभागाचे नामवंत प्रा. श्री. टी. आर. जाधव यांची नियुक्ती करण्यात आली आहे.
या सर्वसमावेशक कार्यकारिणीत अन्य महत्त्वाच्या पदांवर खालीलप्रमाणे मान्यवरांची निवड करण्यात आली:
खजिनदार (Treasurer): प्रा. श्री. एस. पी. पुजारी (बी व्ही एस College पारिश्वाड), कार्याध्यक्ष (Working President): प्रा. श्री. श्रीधर शास्त्री (सी आर एस कॉलेज इटागी), संघटक सचिव (Organising Secretary) प्रा. श्री. एस. डी. कटगी (एम.जी. कॉलेज नंदगड), सहसचिव (Joint Secretary) प्रा. श्री. एफ. डी. तळवार (सरकारी महाविद्यालय, खानापूर), संचालक (Director) प्रा. श्री. डी. एस. पाटील (एम.एम.एस. कॉलेज खानापूर), या नूतन आणि अभ्यासू कार्यकारिणीवर खानापूर तालुक्यातील पदवीपूर्व महाविद्यालयांमधील प्राध्यापकांच्या विविध समस्या सोडवणे, त्यांच्या शैक्षणिक व सेवाविषयक न्याय्य हक्कांचे रक्षण करणे आणि तालुक्यातील शैक्षणिक दर्जा अधिक उंचावण्यासाठी नवनवीन उपक्रम राबवणे ही मुख्य जबाबदारी असणार आहे. नूतन अध्यक्ष प्रा. कर्लेकर, उपाध्यक्षा प्रा. सौ. व्ही. एम गावडे आणि सचिव प्रा. श्री. टी. आर. जाधव, सरचिटणीस प्रा. कापोली यांच्या समर्थ नेतृत्वाखाली सर्व पदाधिकारी प्राध्यापक वर्ग, महाविद्यालयीन प्रशासन आणि सरकार यांच्यात एक भक्कम व सकारात्मक दुवा म्हणून कार्य करतील. असोसिएशनने नेहमीच प्राध्यापकांच्या हितासाठी आणि विद्यार्थ्यांच्या सर्वांगीण प्रगतीसाठी महत्त्वपूर्ण पावले उचलली आहेत. या अनुभवी पाठींब्यामुळे आगामी काळात खानापूर तालुका लेक्चरर्स असोसिएशनची वाटचाल अधिक गतिमान, संघटित आणि यशस्वी होईल, असा विश्वास व्यक्त होत आहे.
या अत्यंत महत्त्वाच्या प्रसंगी क्षेत्रातील ज्येष्ठ प्राध्यापक श्री. उळागड्डी, प्रा. श्रीधर शास्त्री, प्रा. एन. ए. पाटील, प्रा. गोविंद मठद, प्रा. गिर्यापण्णावर तसेच ताराराणी पदवीपूर्व महाविद्यालयाचे आदरणीय प्राचार्य श्री. अरविंद पाटील प्रामुख्याने उपस्थित होते. उपस्थित सर्वच मान्यवरांनी नूतन पदाधिकाऱ्यांचे पुष्पगुच्छ देऊन अभिनंदन केले व पुढील वाटचालीस शुभेच्छा दिल्या. खानापूर तालुक्यातील शैक्षणिक, सामाजिक व राजकीय क्षेत्रातूनही या नूतन कार्यकारिणीवर अभिनंदनाचा मोठा वर्षाव होत आहे.