डॉ. बाबासाहेब आंबेडकर नगरमध्ये आकर्षक विद्युत दीपस्तंभाचे उद्घाटन

निपाणी (वार्ता) : निपाणी येथील अंमलझरी रोडवरील डॉ. बाबासाहेब आंबेडकर नगरात राहुल मुगळे यांच्या संकल्पनेतुन साकार विद्युत दीपस्तंभ साकारण्यात आला आहे. त्यामध्ये डॉ. बाबासाहेब आंबेडकरांच्या प्रतिमेचा समावेश आहे. या विद्युत दीपस्तंभाचे उद्घाटन टाऊन प्लॅनिंग कमिटी अध्यक्ष संयोजित उर्फ निकु पाटील यांच्या हस्ते करण्यात आले.

दीपस्तंभावर डॉ.बाबासाहेब आंबेडकर, भगवान गौतम बुद्ध यांच्यासह महापुरुषांच्या प्रतिमा साकारण्यात आल्या आहेत. निकु पाटील यांनी, डॉ. आंबेडकर यांच्यासह महापुरुषांचे विचार दीपस्तंभाप्रमाणे मार्गदर्शक असल्याचे सांगितले. यावेळी प्रवीण हेगडे, संभाजी मुगळे, दीपक इंगळे, राहुल माळगे, सचिन कांबळे, अब्दुल मकानदार, शुभम चौगुले, प्रज्वल कांबळे, आनंदा लोकरे, चेतन माने, प्रतीक मुगळे, पुंडलिक कांबळे, ओंकार मुगळे यांच्यासह कार्यकर्ते व नागरिक उपस्थित होते.