वीरशैव समाजातर्फे निपाणीत आज शिव-बसव जयंती

निपाणी (वार्ता) : निपाणी येथील वीरशैव समाज व समस्त हिंदू समाजा तर्फे येथे संयुक्त शिव-बसव जयंती साजरी करण्यात येणार आहे. त्यानिमित्त रविवारी (ता.१९) सकाळी ८ वाजता वीरूपाक्षलिंग समाधी मठाचे प्राणलिंग स्वामी व बसव मल्लिकार्जुन स्वामी यांच्या प्रमुख उपस्थितीत शिव-बसव नामकरण सोहळा होणार आहे.
सोमवार (ता. २० ) रोजी सायंकाळी ६.३० वाजता शिवप्रसाद देवरू यांचे ‘जगज्योती महात्मा बसवेश्वर’ या विषयावर प्रवचन होणार आहे. मंगळवारी (ता.२१ ) शिव-बसव जयंतीनमित्त सायंकाळी ५ वाजता मिरवणूक काढण्यात येणार आहे. यावेळी नागरिकांनी उपस्थित राहण्याचे आवाहन संयोजकांनी केले आहे.