ममदापूर (के. एल.) अंबिका देवीच्या यात्रेनिमित्त उद्या दोन लाखाची बैलगाडी शर्यत

निपाणी (वार्ता) : निपाणी येथील श्रीमंत सिद्धोजीराजे निपाणकर -सरकार यांनी स्थापन केलेल्या प्रति तुळजापूर म्हणून प्रसिद्ध असलेल्या ममदापूर (के. एल.) येथील अंबिका देवीची यात्रेला रविवार (ता.१९) पासून पालखी मिरवणुकीने प्रारंभ झाला आहे. गुरुवारी (ता.२३) सकाळी ९ वाजता विविध शर्यती होणार आहेत.
‘अ ‘गट जनरल बैलगाडी शर्यतीसाठी अनुक्रमे १ लाख ११ हजार १११ रुपये, ७५ हजार १ रुपये आणि ५५ हजार १ रुपये, जनरल बैलगाडी ‘ब,’ गट गशर्यतीसाठी अनुक्रमे ४१ हजार रुपये ३१ हजार रुपये आणि २१ हजार रुपयांची बक्षिसे दिली जाणार आहेत. जनरल घोडा गाडी शर्यतीसाठी अनुक्रमे २० हजार रुपये, १५ हजार रुपये आणि १० हजार रुपये, जनरल घोडा- बैलगाडी शर्यतीसाठी अनुक्रमे २० हजार रुपये, १५ हजार रुपये १० हजार रुपये, बिन जाती घोडा-बैलगाडी शर्यतीसाठी अनुक्रमे १० हजार रुपये, ७ हजार रुपये आणि पाच हजार रुपये, जनरल दुस्सा चौसा बैलगाडी शर्यतीसाठी अनुक्रमे २० हजार रुपये, १५ हजार रुपये आणि १० हजार रुपयांची बक्षिसे दिली जाणार आहेत. सर्व विजेत्यांना ममदापूर केसरी किताब आणि ढाल निशान देण्यात येणार आहे.