Wednesday , May 29 2024
Breaking News

दोडामार्ग पोलिस निरीक्षक नदाफ यांची चोरट्या दारू विरूद्ध धडक मोहीम लाखोंची दारू जप्त;
चंदगडच्या दोघांना अटक

Spread the love

तेऊरवाडी (एस. के. पाटील) : दोडामार्गचे नुतन पोलिस निरीक्षक आर. जी. नदाफ यानी चोरट्या दारू वाहतूकीविरोधात धडक कारवाई करत चंदगड तालुक्यातील दोघाना अटक करुन मोठा दारूसाठा जप्त केला.
गेल्या काही वर्षांपासून गोवा राज्यातून दोडामार्ग येथून चंदगड व बेळगावकडे दारूची अवैध्यरित्या वाहतूक होत होती. याची माहिती पोलिस दोडामार्ग पोलिसाना समजली. यापूर्वी याकडे दुर्लक्ष करणाऱ्या दोडामार्ग पोलिसांनी पो. नि. नदाफ यांच्या सुचनेनुसार सापळा रचला.

सासोली -देसूर वाडी येथे येथे एका पांढऱ्या रंगाच्या कारमधून दारू वाहतूक करताना पकडण्यात आली.
सध्या सर्वत्र लॉकडाऊन चालू आहे. पण असे असतानाही चोरट्या मार्गाने दारूची वाहतूक चालूच आहे. अशीच दारू वाहतुक सुरू असल्याची खबर पोलिसाना मिळाली. यानुसार सापळा रचून चंदगड तालूक्यातील तुकाराम वैजू सुपल (वय -२७ वर्ष रा. माडवळे) व वैभव विठोबा चव्हाण रा . करेकुंडी या दोघाना अवैध दारू वाहतूक करताना पकडण्यात आले. याबरोबरच गोवा बनावटीचे विविध कंपन्यांचे दारूचे बॉक्स गाडीमध्ये मिळून आले. चंदगडच्या या दोघाविरोधात दोडामार्ग पोलिसात गुन्हा दाखल करण्यात आला आहे.

About Belgaum Varta

Check Also

काँग्रेस आमदार पी. एन. पाटील यांचे निधन, निष्ठावान शिलेदार काळाच्या पडद्याआड

Spread the love  कोल्हापूर : काँग्रेस प्रदेश उपाध्यक्ष आणि करवीर विधानसभा मतदारसंघाचे आमदार पी. एन. …

Leave a Reply

Your email address will not be published. Required fields are marked *