प्रसिद्ध शास्त्रज्ञ सुबण्णा अय्यपन यांचा मृतदेह सापडला कावेरी नदीत; आत्महत्त्येचा संशय

बंगळूर : श्रीरंगपट्टणातील कावेरी नदीत प्रसिद्ध शास्त्रज्ञ सुब्बण्णा अय्यप्पन यांचा मृतदेह आढळल्याची माहिती मिळाली आहे.
प्रसिद्ध कृषी शास्त्रज्ञ आणि पद्मश्री पुरस्कार विजेते सुब्बण्णा अय्यप्पन यांचा शनिवारी संध्याकाळी मंड्या जिल्ह्यातील श्रीरंगपट्टण तालुक्यातील साई आश्रमाजवळील कावेरी नदीत मृतदेह आढळला.
सूत्रांनी दिलेल्या माहितीनुसार, सुब्बण्णा हे त्यांच्या पत्नीसोबत म्हैसूरमधील विश्वेश्वरय्या नगरमधील एका अपार्टमेंटमध्ये राहत होते. ते ७ मे पासून बेपत्ता होते. या संदर्भात कुटुंबाने विद्यारण्यपुरम पोलिस ठाण्यात बेपत्ता व्यक्तीची तक्रार दाखल केली होती.
पण शनिवारी संध्याकाळी, सुबण्णाचा मृतदेह आश्रमाजवळील कावेरी नदीत आढळला आणि पोलिसांनी घटनास्थळी धाव घेऊन तपासणी केली तेव्हा ते शास्त्रज्ञ असल्याचे आढळून आले. त्यांना नदीकाठी उभी असलेली सुब्बण्णाची स्कूटर देखील आढळली, जी त्यांनी सध्या जप्त केली आहे आणि तपास करत आहेत.
आत्महत्येचा संशय
सुरुवातीच्या तपासात, त्यानी तीन दिवसांपूर्वी नदीत उडी मारून आत्महत्या केली असावी असा पोलिसांना संशय आहे. तथापि, पोलिस मृत्यूचे खरे कारण शोधत आहेत. मृतदेह के. आर. रुग्णालयाच्या शवागारात हलवण्यात आला आणि सुब्बण्णाचे नातेवाईक आणि वकील श्रीनिधी यांनी सांगितले की सुब्बण्णा नियमितपणे रामकृष्ण आश्रम आणि साई आश्रमात ध्यानासाठी जात असत.
१० डिसेंबर १९५५ रोजी चामराजनगर जिल्ह्यातील यलंदूर येथे जन्मलेल्या सुब्बण्णा यांनी १९७५ मध्ये मंगळुर येथून मत्स्यव्यवसाय शास्त्रात बी.एफ.एससी., बॅचलर पदवी आणि १९७७ मध्ये मत्स्यव्यवसाय शास्त्रात पदव्युत्तर पदवी प्राप्त केली. १९९८ मध्ये त्यांनी बंगळुर येथील यूएएस येथून पीएचडी प्राप्त केली.
देशभरातील विविध विभागात काम करणाऱ्या सुब्बण्णा यांनी नीलक्रांतीमध्ये महत्त्वाची भूमिका बजावली. २०२२ मध्ये त्यांना पद्मश्री पुरस्काराने सन्मानित करण्यात आले. ते राष्ट्रीय चाचणी आणि कॅलिब्रेशन प्रयोगशाळांसाठी मान्यता मंडळाचे (एनएबीएल) अध्यक्ष म्हणून काम करत होते.