Belgaum Varta Belgaum Varta
निपाणी (वार्ता) : निपाणी येथील टाऊन प्लॅनिंगचे अध्यक्ष संयोजित उर्फ निकु पाटील यांच्यावर प्लॉटिंगच्या वादातून झालेल्या हल्ल्याचा येथील माजी नगरसेवक संघटनेतर्फे निषेध करण्यात आला. शिवाय या घटनेचा गांभीर्याने तपास करण्याची मागणी पोलीस प्रशासनाकडे निवेदनाद्वारे करण्यात आले.
शहरात बिल्डर संस्कृती वाढत असून त्यामध्ये सर्वसामान्य नागरिक भरडला जात आहेत. बिल्डरांना कायद्याचा धाक राहिला नसून आपण करील ती पूर्व दिशा अशी त्यांची वागणूक आहे. त्यामुळे शहर आणि उपनगरातील शांतता, सलोखा, व एकोपा टिकवण्यासाठी अशा प्रवृत्ती विरुद्ध कायद्याचा बडगा दाखवण्याची गरज आहे. याबाबत कृती करण्याची मागणी करत बसवेश्वर पोलीस स्थानकाचे निरीक्षक रमेश पवार यांची माजी नगरसेवकांनी भेट घेऊन निवेदन सादर केले.
यावेळी निपाणी टाऊन प्लॅनिंगचे अध्यक्ष निकु पाटील, माजी नगराध्यक्ष विजय शेटके, चंद्रकांत जासूद, माजी सभापती अल्लाबक्ष बागवान, किरण कोकरे, माजी नगरसेवक सुभाष कांबळे, धनाजी निर्मळे, रियाज बागवान, अशोक लाखे, दीपक ढणाल, युवराज पोळ, जीवन घस्ते, किसन दावणे, शामराव पुंडे, प्रवीण हेगडे, राजू पाटील, प्रथमेश जासूद उपस्थित होते.
